المشاركات: 195
المواضيع: 23
تاريخ الانضمام: Jul 2005
السمعة:
0
الرد الثاني من شادي لثناء...
شادي موسى \ جوقة الشام
شادي بفرحات اليتامى مطرحو ....... ٍزَيٍح المصيبة للفرح .... بتزحزحو
والرب..شِعر وحِس مرهَف مانحو ...... يحكي حقيقة جوق ... حكيو بيجرحو
ولْـ هالسبب أفكار شِعري الِـّ نوحو ...... صقلو المراية تالحقيقة تلمحو
صرتو توردو خدود ... من لونا استَحو ....... وبْمْيل جهل ...جفونكن بتزَيِحو
ووجه الحقيقة تغِيِرو بملامحو ........ تـ مرايتي.. وجه الْـ لِكن ماتفضحو
ومش بس انتو... بيستحي بوجهو القدر ...... لما بحط مرايتي عامسرحو..
شادي..
المشاركات: 195
المواضيع: 23
تاريخ الانضمام: Jul 2005
السمعة:
0
الرد الرابع من شادي لثناء
شادي موسى \ جوقة الشام
هالثرثرة لْنسوان شكّت ع الدوام ..... برْجال طحْنو صخور.. ت يأمْنو الطعام
والزور متل الشك من ذات المقام ..... بدّو يقين الحق ت يسود النظام
وشِكّي ع بدلة جهلك فكاري وسام ..... تاعلّمك ع الفلسفة وزيدك علام
محمد كَسَر أصنام ... متيَقن تمام ....... في رب يُعبَد دون شك ولاْ ملام
ولمّا اليهود شكو بشخص فادي الأنام .... محّا الشكوك بوقت مَ مْن الموت قام
وعاسيرة التحرير من تلاتين عام ...... الحكام شكو بقوّتن والحق نام
تيَقّن أسد تشرين من نصر العرب ....... حتى خصامو أيقنو وطلْبو السلام..
شادي...
المشاركات: 195
المواضيع: 23
تاريخ الانضمام: Jul 2005
السمعة:
0
شادي موسى \ جوقة الشام
ما شك حافظنا ب رجالو الطيّبي ...... ولا هنّ شكو بمقدرة قائد أبي
والفلسفة ...تيقين منطق مختبي ....... والشك وسواس وعقول مشقلبي
تيقن أديسون ...في حقيقة غايبي ...... وثبّت يقينو بنور لمبة مدهّبي
ميقّن بموتي ...ولو حقيقة مرعبي ....... ميقّن في جنة وهيك حلمي ومطلبي
وضلي بشكوكك عايشة ومسرسبي ....ورح اسألك ....حكي الجبين وجاوبي
متيقنة ..القرآن من وحي السما؟....... أو عم تشكي بحق آيات النبي؟....
شادي.....
المشاركات: 195
المواضيع: 23
تاريخ الانضمام: Jul 2005
السمعة:
0
أعتذر عن التأخير...
شادي موسى \ جوقة الشام
قلتي ...الحقيقة بالسما توزّع حنين ..... فهمتي ..الحقيقة باليقين بتستعين
القرآن كلّو شك؟ ... شو عقلك فطين ..... الشكّو بكلامو تصنّفو مْن الضالّين
والله عطاني عقل ...وكل الملهمين ..... ت نكون من نور اليقين مرسملين
وموسى بعصا ...أيقن برب العالمين .....وفرعون والسحرة اللي بقيو شاكّين
ومابين يقينو ...وشك سحرة مفرعنين ....... رح اسألك تاترجعي تحِكّي الجْبين
تيقين موسى فاز ع أْفاعي الشكوك ؟ ....... ولاأفاعي الشك فازت عاليقين؟....
شادي.......
المشاركات: 195
المواضيع: 23
تاريخ الانضمام: Jul 2005
السمعة:
0
شادي موسى \ جوقة الشام
ماشك موسى ..ميقّن بفرعون ضال......وفرعون شكك بالنبي وربّ الكمال
وقلتي..ماعندِك شك بالقرآن..عال ...... إنو اعترفتي ب اليقين بهالمجال
وكيف عم تشكي بعِلم فيه البحث طال ؟ ......غزو الفضا هيدا يقين ولا خيال؟
الفادي انصلب بين اللصوص ..الحق قال .....اللص اللي يقّن فيه الفردوس نال
وفي لص متلك ضاع بشكوك وجدال ....... وبرجع وبسأل بس لاتضيّعي السؤال
ان طل الهلال ...تيقني بأول العيد؟.......أو عم تشكي بعيدك ان طل الهلال؟..
شادي....
المشاركات: 195
المواضيع: 23
تاريخ الانضمام: Jul 2005
السمعة:
0
شادي موسى \ جوقة الشام
بغْرق ب نيل دموعكن ...وقت البكي ......ع شككن إنها لِكُن هالمعركي
وشكك لساعة م القمر يظهر لِكي ....... المعنى عم تيَقني بآخر هالحكي
وكتب السما للشك؟..شو هالفزلكي ...... ما كل آية ع اليقين بترتكي
بموسى ...بربو ... ريت شكك تتركي .....وتيَقني ب عشرة وصايا مباركي
ورح اسألك كيف؟ ...و بدَينَيكِ فْرِكي ..... يزيلو كفر آراء سودة وحالكي ؟
بعقول بتيَقّن وصايا ربنا ؟ ....... ولا ّ بعقول ب هالوصايا مشكّكي؟....
شادي....
المشاركات: 195
المواضيع: 23
تاريخ الانضمام: Jul 2005
السمعة:
0
قصيدة....
شادي موسى \ جوقة الشام
انزلي ليِّ يا بنت الشاعريةِ ...... أنا سهران طلي انزلي ليِّ
تعمّرلك مْن فكاري وغِناها ...... برج عاج وهياكل مرمريةِ
نادت كلمتي ...وفحوى نداها .....انزلي محلّ الخصيمة العوسجيةِ
ت نحلة منبري تعنّ برُباها ....... وابدل حِمل شيح بمزهريةِ
وتنشرح شك حوّا ...شو أذاها .....بوصيةْ ربّها أصل البليةِ
ولو انْها ميقّنة وكبحت خطاها .....ماخِسرت هالجنانِ السرمديةِ
ويوسف يقّن زليخة وغِواها ....... ويقّن موقفو عن طهر نيةِ
شكّو بعفتو ...وقصة الرواها ...... ومغازل شك غزْلتلو القضيةِ
ولْ أحلام حلّلها وقراها ....... بيقين وروح من ربّو هديةِ
ويقّن بالمجاعة وبْ بلاها ......يقينو ال لبّسو تاج الحميةِ
وجوقةْ شامنا رفَعنا لِواها ...... بعُمر وبْديب جَوز الأشبهيةِ
وشريم الشارم الشمس بضحاها .....يقين النصرْ بإديهن وديِّ
وشكّي برفقتك وبمستواها ....... وشكي بهيك جوقة مهتريةِ
وشكي بنية الطفل وصفاها ....... وشكي بالطهارة المريميةِ
وشكي بدمعة الأم ونقاها .........عغيبة ابن صرخت يابنيِّ
وشكي بميةْ النبع وزكاها ......وشكي بجود إيد الحاتميةِ
وشكي بحق أقلام النزاها .....وشكي بالبلاغة الحيدريةِ
وشكي بِ تماضر وبْ رثاها....... وبعاطِفةْ المراثي المخمليةِ
وشكي بالوصايا ومحتواها .......وشكي بكل شعرا الجاهليةِ
وحلقة شكك توسّع مداها ...... تتوصل عالسماوات العليةِ
وشكي بخالق الدنيا وسماها ......وشكي بعد ماتدوقي المنيةِ
وتبقي بحضرةْ الرب وعلاها .......وتحْصو حساب أعمال الشقيةِ
ويحكيلك خطاياكي الحصاها ....وشكي وصرّخي ...مش هيك هيِّ
وشكي ...منين ألّفها وحكاها ؟ .....وقولي ماخطيت ولاْ خطيةِ
لاكن بي جهنم وب لظاها ...... رح بتيقّني ...ومش رح تشكي
................. بلهبةْ نار فيها مرتميةِ .....................
شادي.......
المشاركات: 195
المواضيع: 23
تاريخ الانضمام: Jul 2005
السمعة:
0
قصيدة الختام من شادي لثناء..
شادي موسى \ جوقة الشام...
بعتولي شاعر بينقال عنّو ....شعارو اجراس بالأفكار طنّو
حتى ان طل متحمّس إجاني ...... بمهباج التحدي بدقّ بَنّو
يقين الجهل؟ ..شو هالإسطوانةِ؟ ..... ال عليها مْيابر شكوكك انسنّو
القين ... المعرفة بروض الغناني ...... فيها أيقنو الشعرا وغنّو
الخطية فِعلِت فلان وفَلانةِ ..... يقينن مغفرة الله تمنّو
نْ شكو برحمتو ...هون الجبانةِ ..... غرقو بالضلال وشك ظنّو
ومحمد يقّن وحس بخيانةِ .......ويقّن مع علي وخطة تبنّو
يقنن بالهريبة في ضمانةِ....... وبالمغارة الإجو فيها استنّو
أناو تلميذ..ساعة امتحاني .......جواباتي يقين الصح مَنّو
وبمحكمة العدل ...وين الأمانةِ ؟ ......ّإذا الأحكام أهل الشك سَنّو
أنا يقّنت من أول زماني ...... التفنن من فنوني فَن فّنّو
يقيني بلوحتي ... وريشة لْواني .......... رسمت زهور تالنحلات جَنّو
يقيني بنغمة وعَنّة كماني ..... وحوش البر عالغزلان حَنّو
ولو لحّنت ترتيلة ديانةِ ........ يَقْنو وعن فْعال الشر كِنّو
يقيني بمستواي وعنفواني ....... تَعبّا الجو ..رح بي طِق مِنّو
انا شادي ... اليقينو بكَون تاني ......مَ فيه حروب ..لاعالم تَجَنّو
بِ وادي التلج وب ساعة عيانةِ ........ هَجَر فيروز وبَعدو زغْير سِنّو.....
وهلأ ياثناء بهالمعاني ......عذري سيوفي لو عْليكي انسنّو
عذريني لو بحقك كنت جاني ..... شِعري بَعد ...حصرم عا كرومي
---------- وشِعرك خمر بْخْوابي بِرِنّو ----------
مع الشكر والتقدير للإستاذة ثناء حيدر......
شادي...
![[صورة: domain-samarnet508120b898.gif]](http://www.samarnet.net/up-pic//uploads/images/domain-samarnet508120b898.gif)