25-09-05, 12:49 PM
شو خلصتو حتى نبلش ؟؟؟؟؟؟؟؟؟؟
| الاستطلاع: شو رأيكن بالمباراة ؟؟؟؟؟((الإجابة بعد ما تخلص)) ليس لديك إذن للتصويت في هذا الاستطلاع. |
|||
| ممتاز | 9 | 56.25% | |
| جيد جدا | 1 | 6.25% | |
| جيد | 3 | 18.75% | |
| وسط وما دون | 3 | 18.75% | |
| المجموع | 16 صوت(اً) | 100% | |
| * لقد صوت لهذا الخيار. | [عرض النتائج] |
|
المباراة الزجلية
|
25-09-05, 02:15 PM
********************
يا شفيق بمسألة خلص الكلام ____ شعار نحنا والحرف تـــوأم تمام وكيف بدهن يخلصـو تاتبلشو ____ والكل ناطر من ثنا مسك الختام *******
25-09-05, 03:31 PM
تحية إلى شادي الفتى الجميل الروح ... لقد كنت خصماً شهماً يا شادي !!!
جوقة الوطن / ثناء حيدر / براغ - تشيكيا
----------------------------------------------- أميــــــرة حرف والعقل ومحــكّو ------ على كتافي رســـــــــل الله اتّكّو أميرة وحي نســمة بالمشــــــاعر ------ عن المتلي قســــى هالزمن فكّو أنا ما جيت اتبـــــــــــارى وكابر ------ ولا رمحي براس الخصــم شكّو لإنك مش خصم يا شــخص عابر ------ أنا زالو البأشـــــــــعاري احتكّو أنا حوّا وحي حوّا مســـــــــــافر ------ أحاســـــــــــيسي أنا للصّم حكّو أنا حوّا أنا حبّي بشــــــــــــــاطر ------ أنا عيوني همـــــــوم الناس بكّو أنا أشـــــــــعر من رجال الأكابر ------ على محكّي عواطفـــــكن انحكّو أنا قلبي هزم ســــــــــيف العناتر ------ أنا حبّي لأكبر حصـــــــــن دكّو وعلى شـــــــكّي ويقينك يا مثابر ------ أنا شــــــــكّي بمزوّر كتب شكّو أنا شــــــــــكّي ببوش وكل غادر ------ على شـــعبي تايقضّو العمر ركّو أنا شـــــكّي بيهودي صعب غادر ------ حتى فيه شــــــــــــــكّي يفكّ فكّو وذكرت المحكمه في حكم صادر ------ منّك من يقينك صــــــــــكّ صكّو لوما شــــــــكّ قاضي بقول نابر ------ ما نادى عاشـــــهود .. الحقّ زكّو وقلت شعري الخوابي والمحابر ------ وقلت مني ركاب الجهل ســـــــكّو أنا ممنونتك ما اعتدت ســـــاير ------ أنا قلامي بجســـــــــــم الحقّ حكّو وأنا غنّيت معـــــــــكم عالمنابر ------ حتّى حبل شــــــــــــــكّي فيك لكّو أنا شــكّيت فيك تكون شــــــاعر ------ طلع شــــــــكـّي بمحلّو وبعد منها ------ كلّ السّمع شعرك زاد شكّو ------ ----------------------------------------------- ![[صورة: domain-samarnet508120b898.gif]](http://www.samarnet.net/up-pic//uploads/images/domain-samarnet508120b898.gif) ســـوريا يا كمام الورد ** لونو عا خدودك صـافي عندك مني أحلى وعد ** رجعة عا الحضن الدافي
25-09-05, 06:06 PM
خلصو رفاقي اللي عطو جوهر غلي ............... من جولتين.. الشعر فيهن معتلي
بلش شفيق بمنبرو يغلي غلي .........................يا سباع خافو يا جبال تزلزلي ويا رجال عالميلين ابكي وولولي ...................أحسن ما مشيكن حفا عالمقصلي ويا متابعين الحرب بالشعر الطلي................شوفو اللي عم يصيب جوقة بو علي وبشار.... ...... بدك فلسفي أو مرجلي؟؟؟؟؟؟ .................... عالحالتين مأكد المربح إلى نقي البداية اللي أنت بتريدها ........................وجهز كتافك عا صليب الجلجلي شفيق
26-09-05, 01:23 PM
جوقة الوطن / [size=4]بشار ابراهيم / الجولان الحبيب
يا ديب .... لــمّـا يــطـّـــــل ســـبـع الـمـوهــبــي_____ضبضب نياب البهورة وروح اختبي بتعرف بانّـو الـشـعر عا زنودي ربـي_____مربى الـدلال وما حـدا عنّي غـبـي وبـالـرغـم ما عْرايس شموخي هيّبـي_____مـتواضــع وخمـرة نبوغي طـيّـبـي وتا نـقول سايـرتـك بـروح مـعــذّبــي_____ولبـّسـتك مـن خيـوط شرداتي عبي مش هم شو اخـتـار بـعـد الـتـجـربــة_____الطابة الـي ومـلـعـب الكلمة ملعبي وما زال في ساحة سبق شاعر ابـــي_____غرورك عماك ومهر موهبتك كبي مش محرزي سل السيوف وحضرتك_____برهنت مين الخايـن ومـيـن النـبـي[/size] *************************************
27-09-05, 11:59 AM
الطابة معك بتقول ..اسكت يا صبي......................العب بهالطابة البراسك واختبي
رح ضبضب نيابي عن الخصم الغبي .......................وما ادبحو إلا بشوكة مدببي وعا سيرة البرهان بالشرح العبي ......................أنت اللي برهانك غلط بالتجربي شبهت حالك بالمسيح الما كبي ...........................وباعترافك لبسك كفرك عبي باخر زمن جايي وماشي دبدبي .........................لازم يخونك كل مؤمن يعربي المهدي بيطلع ضد أعور أجنبي ........................ومتلو طلعت ضدك أنا عن طيبي والانبيا ان كانو عشكلك رح نقول ...........................الله يلعن هالنبوة وهالنبي شفيق
28-09-05, 11:09 AM
جوقة الوطن /
بشار ابراهيم / الجولان الحبيب يا شعر تا تجني من زهوري رحيق_____فرّق صداح الطير عن صوت النعيق ال زتّو عنادو بلـجّـة الـوهم الغميق_____غير اللي فكرو مخمَّّّّّّّّّّّّر وجـنحو طليق ما زال عـا صـلـبي أنـا بليـّت ريـق_____ليـش الـنـبـوة لـعـنـتها بـشـاعر عتيق! وليش رجعت من ميل تاني يا رَفيق_____بحجّة المهدي مـشيت عا ذات الطريق بـحـيـث الـتناقض في جواباتك وثيق_____بيـّـنــت ضـعـفـك للـعـدو وللـصـديـق ورفـاقـك سـتـنـّوك تـا تـعـطي بريق_____ولّما حـْكيت اسـتكتـروا عليك الحريق وصاروا يقـولوا ومتلهن قالوا البشر_____يـلـعن الـسـاعـة اللي حكي فيها شفيق
29-09-05, 10:39 AM
ما قلتلك إني المهدي لو دني ...................صحح كلامك بالمعنى يا دني
أنت اللي قلتلي بجهل وولدني ...................إني عدوك..يا عدو الميدني ولما أنا بلشت تا قصدي عني ...................العن نبي دجال متلك منحني أنت الضعيف العا دروبي سبقتني..............وحاربتني بقولي بيكفي غشمني وعا سيرة اللعن العليك بينبني ..............العن بنفسك ,,معدنك مش معدني ورفاقنا القالوا يا أرواح العني ..............الساعة الحكي فيها شفيق المغتني سبوا الساعة اللي علقت بالمطحني.........وراسك نزل مفروم عالسيف الغني واليوم رح حارب رواح مشيطني .........تا شوف روحك طلعت وعمرك فني وما اتركك إلا ما تلعن يا لئيم .................هالساعة اللي جيت فيها عالدني شفيق
29-09-05, 08:35 PM
جوقة الوطن / بشار ابراهيم / الجولان الحبيب
كلـمـة لئيم انْ جـيـت فـيـهـا تـسـتـجير_____ببقى عا درب الفلسفة جد المسير وما زال لـلـتـجـريـح بـتـضـلك اسـيـر_____التجـريح مـا بيرخّص الدر الندير دخلك شو فيها هالدني يرضي الضمير_____تا جلّها وتا تعجب عيوني كـتـيـر وتـا تـشـوف ليش لعنتها باسمي الكبير _____لـعـنـتـها من منطلق شاعر خبير فـيـها الغنـي بيسطي على حقوق الفقير_____والظلم فيها مسلطن وعايش امير وفـيـها العـدل نـايم على مفـلـش حصير_____بلا مواخذة متـيّتـم وعمرو قصير قابـيـل دشـنّـهـــا بإســم مـجـرم خـطـيـر_____وآدم لَعَـنـْها لـعنـة الـعـبـد الحقير مـن حـيـث مـتـلـي شـافـهـا بـنـزواتـهـا_____صورة عِقاب مبروزة ببئس المصير
30-09-05, 05:39 PM
دخلك يا ربي شو بيعملي الحريق؟؟؟؟..............وبنار بحر عيونها قلبي غريق
وكل شي البحر كبرت وفتحت المضيق............مش قد هالبحر البيعينيها غميق وبشار بدك اخرة؟؟من الوهم فيق ...............وشوف هالدنيا اللي بيحبا شفيق دنيا الخمر,, دنيا العشيقة والعشيق.............دنيا الشعر دنيا الورد دنيا الرحيق دنيا بأم وبي وبجار وشقيق ..................دنيا وطن ما في وطن متلو عريق وبشار لا تسب الدني بحق وحقيق .........مش رح بتوصل مقصدك دون الطريق ولولا الزفير قشعت لا تسب الشهيق.........ولولا الصخور قشعت لا تسب العقيق ولولا صميمي دبحت بالسيف الرقيق.............تأكد أنا رح ضل اعتبرك رفيق لكن إذا كرهت الدني بموقف دقيق ...........ونسيت جولانك وأهلك وقت ضيق وطلعت طامع بالسما وعفت الدني .........لا تلومني ان ما عدت اعتبرك صديق شفيق
03-10-05, 07:28 AM
جوقة الوطن / بشار ابراهيم / الجولان الحبيب
حاجـي تـسـّب الآخـرة وتسـبــّنـا_____وبـيـعد زوان مواهبك عن حَبنّا رب الـسـمـا لـمـّا بــايـدو صـبـّنا_____للـتـجـربة بـدنـيـا عـقـيـمـة كبّنا ولـمـّا فـهمنـا سرارها فـي لـبـّـنـا_____بالآخـرة فـزنا , وضحكنا بعبّنا وكل شي الزمن دار وبعالم ضبّنا_____الْ عـندو وفا من كل قلبو حبنا قـش الخطيّـة ما هـدي بـمـهـبـّـنـا_____وجبّ الـرسل والانبيا من جبنّا وتـنـقـول طـيـشك وقّـعـك بمطبنّا_____منـعـطـيـك حكمة خالدة يا شبّنا لـولا وقـع فـي حُـبـنـا تراب الدني_____مش قد ذرة من مـحـبـة ربـنــّا
03-10-05, 08:03 AM
شي أكتر من رائع
يعطيك العافية يا أخ/ شفيق حقيقة شي بيرفع الراس بقسم الزجل والحق يقال  شي بيفرح بالعلم ما بعرف إكتب زجل :eek: بس بيمتعني الزجل وبحيي كل النشيطين معك من الأخوات/ ثناء حيدر - شادي موسى - محمد حسن شريم - بشار والجميع واعذروني إزا نسيت حدا منكم بس بدون مبالغة ما اتعودت إحكي غير الصراحة لو كانت قاسية إنو بهنيكم أخوكم مشرف القسم العام / الحنون (أبو الياس) 
04-10-05, 08:35 AM
دخلك يا مشتاوي بشعر عالي مداه ..............لا تحط عبد الموهبة قدام شاه
ويا فلسفة شوفي ابراهيم وبلاه............وشوفي الفرق بين مستوايي ومستواه في هالدني صار التقمص في غلاه................هيدي لنا لو كان عندو انتباه ولو شاف اخرتو قصر زايد حلاه.........ما بيوصل لقصرو بلا الدرب المشاه ولا يظن من ربو بيتكافأ بجاه ..............لوما مرق في هالدني وشغلو كفاه والرب فاعل..خالق بسطوة علاه..............بس الدني مفعول بتبرر سماه شو قيمة الشاعر بلا شعرو العطاه..........وشو قيمة الراسم بلا رسمة ضياه يعني بمفعول وبفاعل اشتباه .................كل مين منهم علة التاني وراه الفاعل بلا مفعول منقلو بلاه ..............لوما وجود المعجزة بأرض ومياه وكان انتهى الخالق,,وخالق ما صفي ...........لوما خلق دنيا تبرر هالإلاه...................؟؟؟؟؟ شفيق
04-10-05, 08:46 AM
إلى الحنون
يا بو الياس..الأنت أغلى من العيون...........وشهادتك رح حطها جوا الجفون قلبك حنون كتير عولاد الزجل .............ونحنا جماعة منعشق القلب الحنون شفيق
06-10-05, 06:52 AM
جوقة الوطن /بشار ابراهيم / الجولان الحبيب
بين فاعل ومفعول حاجي حرتقة_____مش درس بالاعراب مضمون اللقا خلـقـت الجنة قـبـل دنيّة زوزقـة_____بكـتـاب الله هـالـحـقـيـقـة مـصـدّقـة وآدم ربي عا ترابها مربى التُقى_____ومن نور رب الكون ايمانو استقى ولـمـا وقـع بالـفـخ والشر انتقى_____من حسـرتو ايـدو عـلـى خـدو لقى ومن جنـتـّو زتّـو إلـهو عن ثقة_____مـش تـا يـبرر فـعـل, تا يزيدو شقا الدنيـا لـنا مـسرح شرور وتفرقة_____واسـمـها عـا جـسمـها افـهـم بـقــا نـوّر فـكـارك بـالحقيقـة المطلقة_____ركّز مـعي,وبالشعر بَطـّـلْ عنزقة بتشوف انّـو الشر فتـّح يا شفـيق_____بـواب كـانت عالخليـقـة مـغـلـّقـة **********************************
07-10-05, 08:00 AM
موضوعنا بين دنيتي ويوم الحساب............وأنت ضعت وما قدرت تعطي جواب
وادم إذا عاف السما (اليمكن سراب)...............نسلو بهالدنيا على الميلين جاب وربك إذا ما نزلو وردلو الذهاب ...............ما مشي شرعو على الأربع جناب بتقول ربك عاقبو وزدلو العقاب؟؟..............الرب رحمة مش بلا وكره وعذاب الدنيا لنا مسرح ومن خلف الخشاب.............عندك مؤلف,, مخرج وكاتب خطاب رح افتح بوابن و زيل الاكتئاب ...............وشوف الحقيقة وزيح عن وجها الحجاب تا اقشع التاريخ .فاتحلي العباب..................وأنت راسك اوضعو فوق الركاب ولما أنا ادخل من الباب العريض...............المتلك بيدخل زحف من تحت البواب شفيق
07-10-05, 11:46 AM
حلو ......يا شفيق .....و يا بشار
و منقول: بدناالشعار...........تجود عا ل مشتاوي.....تعود تسمعنا غناني .....و ردات و يخلوا الساحة تهلب ......بارود نطالب جميع شعراء الزجل .......شفيق و بشار و ثناء و جعفر و محمد و حسن و عمر و شادي... باعادة احياء الجولات الزجلية على موقع مشتاوي العظيم و ألف تحية لهم جميعا .
07-10-05, 08:52 PM
يا jackal أمرك على قلبي حلو ................ وكرمال هالمشتى وكرامة أهلها
مش بس بنظم شعر بالمشتى ..ملو ..................بدوب عيوني شمع عا مهلها وبقطع وريدي وفي قلامي بوصلو .............تا المحبرة.. تغرف غرف من نهلها ويسيل دمي عا جبل مشتى الحلو .................ويصير نهر ويكرج على سهلها إلى the jackal وكل أهالي مشتى الحلو الحبايب.... شفيق
07-10-05, 11:30 PM
شكرا يا شفيق ....شكرا يا مذوق
انشا لله عا طول نشوف هيك أبيات عا موقع مشتاوي و يالله شد الهمة و لم اللمة و خللي الشعر يزين ها لموقع طبعا هوي مزين عاطول بأبياتك . مع تحيات the jackal |
|
« الأقدم التالي | الأحدث التالي »
|
المستخدمون الذين يتصفحون الموضوع: 1 زائر