08-10-05, 10:36 AM
إلى the jackal
والله على عيني وعلى راسي يا حبيب القلب
والله على عيني وعلى راسي يا حبيب القلب
| الاستطلاع: شو رأيكن بالمباراة ؟؟؟؟؟((الإجابة بعد ما تخلص)) ليس لديك إذن للتصويت في هذا الاستطلاع. |
|||
| ممتاز | 9 | 56.25% | |
| جيد جدا | 1 | 6.25% | |
| جيد | 3 | 18.75% | |
| وسط وما دون | 3 | 18.75% | |
| المجموع | 16 صوت(اً) | 100% | |
| * لقد صوت لهذا الخيار. | [عرض النتائج] |
|
المباراة الزجلية
|
09-10-05, 04:09 PM
[size=5]جوقة الوطن / بشار ابراهيم / الجولان الحبيب
بضيع يـا عـايـش عـلـى خــبــز العلاك_____لما بليس يـتـوب ويـصـفّي مـلاك صرح الدني تأسس على نصب الشراك_____وبالطبع بدها تـكون آخرتو هلاك لكن شـو بعـمـل فيـك عقـلاتـك سـمـاك_____ما قريت بين السطر تا نقللّك عفاك بحـيـثـك انـت جـهـلان راسك من قفاك_____طنّشت,عدت رجعت تتغنى بحلاك ولمـا لـقـيـتك نـجـم طـافي فـي سـمـاك_____قـلـت بـزحـف بالـشعر عا مستواك وعالآخرة ان ضليت عـم تـرمي بـلاك_____وصبّيت في كاس العدل خمرة جفاك بتشوف الله غـمّـض عـيـونو ورمــاك_____بجهـنـم اللـي فـرحـت بـسـاعة لـقاك ولّما لأصـلك تـرجـع , بـنـفـخـة هوا_____بسكـّر بـواب جـهـنـم الـحمرا وراك[/size]
10-10-05, 10:58 AM
بشار حقدك لو على فوزي اندلق ...............ما برجعك إلا ما ضهرك ينفلق
ويا مضيع الموضوع لحظة ما انطلق..............لازم عهالعملة لسانك ينحلق ولازم عرابع بيت,, يشتد الحلق..................عا رقبتك وبدمك يمص العلق عقلي سميك وعقلك بصغرو زلق ...............وضل نايم في غباه وما اشتلق ويا شويعر الفكرك على الرب انجلق..........تا تشوف سيدك مات وبنارو انسلق رح اغضب عليك ورح بدب القلق .........ومن بعد موتك من رصاصات الطلق عا كل فتحة باب في باب انغلق .................ولكن عند ما ركبك رب الفلق مانو بحاجي ينسخك تيعاقبك .............واسوأ من الخلقة اللي عندك ما خلق....................!!!! شفيق
10-10-05, 12:46 PM
اللـــــــــــــه ....... يا شفيق ......و يا بشار
شو هالشعر الحلو .... بدنا غزل .
11-10-05, 11:08 AM
إلى the jackal
نحنا تحت أمرك ... بس نخلص هالمباراة منكتبلك غزل قد ما بدك
12-10-05, 08:01 AM
جوقة الوطن / بشار ابراهيم / الجولان الحبيب
يا دموع بنـت الـشـعـر شلال نـزلـي_____عا مدّعي , ومرجة خيـالـو ماحـلـي مش حق انـزف فلسفـي او مرجلـي_____بشخـص اتـكـل عـا مـوهـبـة مـتـآكلي الله بـدعـلـي خـلـقـتـي وقـدري علي_____بقالب دهب ومـزخـرف بلـولو غـلـي وفـيـي عـجـن سـحـر بـعبير قرنفلي_____ونفـحة مـن سـرار الخـيـال المخملي وعـاود نـفـخ فـيي نفس اطهر ولي_____وطـعّـم فكر خلاّق حـكـمة مرسـمـلي لكـن انـت صـبـّـك بـقـالـب مـبـتلي_____بدمـعـة عـكر مـع زنـخـة تراب البلي تهذبّ وحـاجــي تـزيد نـفسك بهدلي_____وطـلــّع بـتـاريـخ الـزمــان الأولـي يوسف نـبـي آيـة جـمـالـو مـنـزلـي_____حسنو بهي وقصـة خـلودو مسـجّـلي لكن بعيـن الحقـد,حسـنـو مـا حـلي_____تا انباع من اخوة العطف منهن خلي وانت اللي ناوي تعيد فيي المهزلي_____بـيـعني , ومـشّـي ضـلالـك حـنجلي ومـتـل مـا اخـوة نـبـي سـجدو الو_____بـترجـع تـوّطي جـبـينـك وتسجد الي *******************************
13-10-05, 10:58 AM
هالموهبي المـتـآكلي باثارها...............بالشعر عم بتدوقك منشارها
لو ردت اشحن عالمنابر نارها............بتغرق الجوقين في إعصارها لا تطول الردة بضعف أفكارها..........وأفكارها ضعيفي متل أشعارها معروف عني بردتي وشعارها..............بعطيك ردة مألفة بصفارها بركع إلك أجل الأخوة ودارها...........وبالشعر ركعتك على مسمارها ويا يوسف الأشعار في مشوارها.........قبلتك نبي شربان خمرة بارها مرة عملت فادي الدني وأبرارها......ومرة عملت يوسف غرق ببيارها ولولا نزلت فيها بإستهتارها.............ونطرت المكاري يكمل كارها رح تنخسف هالأرض في بشارها.........ومن شان ما تزيد الدني بأشرارها بتغتال المكاري وبتشيل الدلو...........وبتدركب على البير كل حجارها شفيق
15-10-05, 09:32 PM
جوقة الوطن / بشار ابراهيم /الجولان الحبيب
دكـرب حجـار وزيـد رداتـك هبَـل_____وغـلّي بغـايـة شـر اسـعـار الخـبَـل شاعر انا بدنيا الزجل اسمي انقبَل_____مجد الزجل من رنّة شرودي انطبَل زرع التعدّي انفـرّخ بـروحك سبَل_____قتلني ,وانـا بـطـبع على خدك قُبـَل بـرمي ثقل ظلمك على رب العباد_____وانـت احـمـل جـرم بـيـهّد الـجـبَل ***********************************
17-10-05, 08:02 PM
يا بشار استحي من هالحكايي.............أنا فوق السما الزرقا مدايي
شو جايي عا شفيق تشن غارة؟؟..............بردة ما بتنفع يا ضنايي أنا عا منبري بحق وجدارة................عطيت الشعر اية فوق اية ربحت عا كل من حدي تبارى........وما عندي غير نظم الشعر غايي إلي النصر وإلي تاج الإمارة.........وعلى مشتى الحلو هاليوم جايي تهد المنبر وخلي الحجارة..................قبر للجرب يدنس حمايي أنا بالشعر عملاق المهارة.................أنا ثورة معنى من البدايي تخلي_لو بريد_بكل حارة............الجماجم عالدرب ترقص ورايي ويا بشار لو جبت الإدارة............البجوقك..بالنصر رح شك رايي وبدي متل جوقك شي سفارة..........حتى يحرزوا لضرب العصايي وعلى ذكر الجريمة بهالإشارة...........أنا عامل على المنبر جنايي وهلق رح بفسر هالعبارة............لإني حملت جرمي في رضايي جرم وضع الشهد جنب المرارة........جرم وضع الدبش جنب المرايي جرم وضع الجهل جنب الحضارة.......جرم وضع العدل جنب النكايي جرم وضع الوعي جنب السكارى......جرم وضع الخيم جنب الولايي جرم وضع الخصب جنب الصحارى.....جرم وضع البحر جنب القنايي جرم وضع الشمس جنب المنارة........جرم رفع الضعيف على سمايي وأكبر جرم في حق الشطارة.............التباري مع شخص لابس عبايي انتصاري عليك رح عدو خسارة...........لإني رضيت إني عالمنابر ................باري شخص مش من مستواي...................... شفيق
21-10-05, 08:19 PM
آسف عالتأخير
جوقة الوطن /بشار ابراهيم /الجولان الحبيب
يـا مـنـبـر ,للـوحي قــدّم شكـاوي_____وبجنّــــــــاز الـزجـل وزع نـعـاوي لأنــــو فــلــتـت ديـاب الـتـجـنـّي_____بلسـان الأرمـلـي تــراشـــق دعـاوي يا ديـبـو سـآل كـل الـنـاس عـنـّي_____ان طلع خلقي وصرت عالشر ناوي عا صخر الصم بضرب ما بتـنّي_____وبخـلـع رقـبـة الـجـرم الســـــمـاوي انـــا هـالكـون ابـنـي بالـتـبــنـي_____وبفـكـري صـفـحـة الأزمـان طــــاوي بحـرب الـمعـنـوية صـح ظني_____ومــــرارة مـنـطـقـي شـهـد وحــلاوي انا بعرس الزجـل معـتـاد هـنّـي_____واسـمـي عالـمـسـارح صــوت داوي انـا عـطـيـتـك مـلاحم شعر منّـي_____وغزلـت الشعـرعـا مـغـزل طـلاوي ولأنـي بـسـامح الخاطي ولأني_____ما بـــــدّي ابـتـدي حــمّـي المـكـاوي قبل ما سـن عـنـقـك عا مسنّي_____لـف لسانـــك وحــــاجــي شـقــــاوي ميـنـك انـت حـتـى تـمـتـحـني_____ بنـيــــــاب مــسوّسـي وزنــود واوي انـت عا شـفـة الإجـرام عـنـّي_____كـتـر مـا عـنــدك شـعـور وذكـــاوي بالتـجـريـح صـرت تهين فـنّي_____بحـجـج مـتـنـاقـضـة وتـفكـيــر هاوي واذا جرمك حما رح صير كنّي_____وبقصـدي فــتّـح بواب الــعــــداوي تا فرجي الناس شوعـنـدك تـدّنـي_____وشـو قلبك ضامر شـرور وبلاوي حـنّـي رايـتـك بـالـذل حــنّــي_____بـيـكفي تـزيــد اعـــذارك عـمـــاوي وتحتى تـشوف ليـش بدون منيّ_____ما فـيـك تـشـوفـنـي بعيـن التساوي لأنـي بالــتــحدي سـبـقـت سـنـّي_____وبـدوني مـسـرح الالـهـام هاوي بهـز الكـون لـو بـلـّشـت غنّي______وبـزنـدي رقـبـة الأخـصـام لاوي أنا بالـشـاعـريـة خـلـقـت جـنـي_____وانـت قـضـيـت ايـامـك مـعـتـــر ــــــــــــــــــــــــــــ تبيع زبيب عا بواب القهاوي ــــــــــــــــــــــــــــــ
22-10-05, 05:44 PM
انطفا بشار يا جنود الكتبة...........ورقص مدبوح من تقل المصيبة
وحاكاني حكي فارغ وكتر..............بفكرو يزعزع جبالي الصليبة أنا ديب المنية الما تجرجر..................أنا ديب المنابر والكتيبة يا أما طأطئ الراس المغبر................يا أما دمك بينزل عنيبي وعند ما تخلص الدنيا تذكر..............بيصمد بالحشر سبعي وديبي نحنا اللي منصمد بالمعسكر.............عن ابراهيمك الأكبر غصيبة ولا تحكي بالتناقص يا صغير...........التناقض وين؟؟؟ قلن للشبيبة وإذا ما قلت رح ردك مكسر.........يا بو التهمة المتل فضلك غريبة تذكر مين بالجولة تجوهر..............ومين الخبص بنفسو الكئيبية مرة عملت يوسفنا المقدر..............ومرة عملت عيسى عا صليبي وعدت ضوعت هالموضوع أكتر......وخلطت زوانك بقمحي الصليبي استحي بهالشعر يا لو لسان أغبر......البقي بالطول طولو بطول سيبي وعدت عطيت ردة كتير أكبر...........من المطلوب بالجولة الرهيبي وعدت عطيت ردة كتير أقصر.........وجواب ضعيف من فكرة سليبي بقصيدي ردت إني كون أشعر........وما اجرح فيك بالردة المصيبي لكن أنت عدت ركب أبجر...........بقصيدة من العدم طلعت عجيبي وعلى ذكر الزبيب اللي تعصر........ععاطفتي على شعري ولهيبي العرق من دون زبيبي ما تخمر..........ولا انصبو الكاسات القريبي أنا الشب البعمري الفجر نور...........وعليي شو حلو قرب الحبيبي وتقلبي يدوق طعم زبيب أشقر..........اضربني في زبيبك يا حبيبي وزبيبي شعر غالي وكنز جوهر..........عصرت عمري تا يتخمر زبيبي وعنتر عالدني ما كان عنتر...................لوما عبس يتزوج زبيبة........................!!!!!!!!!!!!!!!! ويا بشار عن هالخلط اكبر.............غلطت غلطة كبيرة مش لبيبة هجيت بأم عنتر يا معتر..................النظم شعرو بعبلاه الأديبي وعدت هجيب شعري الما تأثر............بصفصفتك بهالقصة المريبي وحتى حرمك تغلط وتسكر..............وتهجي زبيب في كلمة معيبي ندهت عنتر على المشتى تيحضر.........وسوية ندفعك حق الضريبي بمشتى الحلو بيني وبين عنتر..............فركة دينتك طلعت نصيبو .......................وقطعة رقبتك طلعت نصيبي..................... شفيق
27-10-05, 01:25 AM
ارجو منكم زياره موقع الشاعر طليع حمدان, الموقع يحوي معلومات عن كبار الشعراء اللبنانيين بلأضافه الى طليع حمدان.
عنوان الموقع: thamdan.jeeran.com 
27-10-05, 02:32 AM
مرحبا أخ روني ...
فتت عالموقع بس في مشكلة بالموقع ... شو الحل؟؟
27-10-05, 03:10 AM
جوقة الوطن / بشار ابراهيم / الجولان الحبيب
جودي يا دموع الشعر جـــــــودي_____قبل ما صير اكـفـر في وجودي جريمة مع شخص نشّف غديــــرو_____بيع مـــــواهبي وضيـّع جهودي يا ديبو , للفكر وزع عبــــــــــيرو_____وبدل ما تسحب عليـي الفرودي لبّس كلمتك أطلس حريــــــــــــرو_____تا فيك تحج عا كــعـبـة خلودي أنا وحدي للمعّنى أميـــــــــــــــرو_____غفي الالهام عا مـخـدة شرودي ورجف مني الزمان وزمهريــــرو_____وحتى الموت مـن زمرة جنودي! الزجل موّن من شعوري قـفـيــرو _____وفقط رب السـما بيعرف حدودي جبلي بحر تا خـــــرسـن هــديـرو______ وحاجـي تعّد في أسطر ردودي وجبـلـي عـنـتـر الشعر وجـريــرو_____تا بأعنـــاقــــــــهن كلـبـج قـيـودي وانــت وزبيبتــك من هون طـيـرو_____ يا بعصركن على مكبس صدودي وخلّي عنتـــرك يسحب سفـيـــــرو_____قـبل مـا بـل فـي عنـقـك زنـــودي يا ديبو الشعر خدها من قـصـيـــرو _____ نهرك صعب يتخطى سدودي انا رح اسأل الشـعـر ونـــصــيـرو_____مين الباطل وعيـــــــنو حســودي وعلى صلبي أنا سخـــّر ضمـيـرو______وبقطع الروس عم يلبس عقودي وبرجع جاوب وبطلق أسيـــــــرو _____لسجن البْطْل وبقــــوّي صمودي وكاس الموهبة بـخـمـّر عـصـيـرو_____بردة تـقـنـع النـفـــــــس الودودي يهودي اللي صلب عيسى بمصيرو_____وعا يوحنا النبي نفسو حـقــودي وأنا اللي تشبّع الشعر وأثـيــــــرو ______قبلت في خاطري كسّر عنودي لأني عرفت يا خاين عشـــــــيـرو_____أنا رح رجـّع حـقــــوق الـنـــبوة _________وانت رح تدفع ديون اليهودي________________
27-10-05, 07:54 PM
*********************************** محمد حسن شريم غنّو ثناء وجعفر الشعــــر الحلو _____ ومتلـــــن شفيق وعمر أفكار انتلو وشادي مثل بشار عالـــي منزلو _____ شعرن سمعنــــــــــا دين ألله حللو وشريم يلي الزجــــــل ربو دللو _____ شاعر زمانــــــــو بالذكاوي مولو عن خصم قدو بالـزجل لا تسألو _____ ما خلق ألله وعــــالأرض ما نزلو ومع كل هيدا عــاحوارو توسلو _____ كل ال بشعـــــــــرو بالفكار تأملو فيهن لفكرو في صعــوبي تحمّلو _____ وراحو وإجو وأوزار جهل تحملو واليوم هالتاريخ عـــــاد مسلسلو _____ ومن بعد مد وجزر قــــال توصلو إنو حسن بنّوت خصمك يا شريم _____ قلت رح كرّم أنـــــــا مشتى الحلو **************
28-10-05, 03:32 AM
[size=6]جوق الوطن|حسن بنوت [/size]***** غنوا الشباب ويا شعر نسّم هواك وبين السما والارض رفعولك لواك وصرخت لما الكون ضاق وما احتواك يا بو علي بنوت ما عندي سواك ***** ويا ناكر جميل الحضن فيك وآواك ومنو اًخدت دروس تا زادت قواك وجايي بغرور النفس تشقع عا هواك كلمات في وجه الطوا المجد وطواك ***** هلق بهالمشتى رح بتاخد دواك وزند اللوا خيبر رح تشوفو لواك وطعميك قتله و دوقك زوم البصل تا تصير تعرف يا محمد مستواك *****
28-10-05, 03:48 PM
محمد حسن شريم ***************** عن مستوايي هيــــك كلمهِ فوتها _____ فـوق السما بجنهِ ما فيك تفوتها جميلك عليي ؟؟ هالحياة وخوتها _____ مــــا صدّقو جملهِ بقلب تابوتها مين العطا نفسك وجوعـك قوتها _____ غيري أنــا رحمهِ بأنين سكوتها واليوم في حفلهِ الشعـــر ببيوتها _____ جايي بنفسك مــع بصلها وتوتها وزنود ماشالله القتـــــل منحوتها _____ هيدي الجريمهِ ال خلقــت بنوتها البيكون شاعر شامنـــا وبيروتها _____ في حفلتو غير ال ببيــع كروتها وعن مستوايي موتّــــك بتموتها _____ النـاس المثلك والعمـى موروتها كيف رح تقشع قصور الموهبـي _____ ما زال خلقت بالحضيض بيوتها ********
29-10-05, 04:00 AM
جوق الوطن|حسن بنوت
***** يا شويعر الشام الطلع حظك كبير ومع بو علي حطوك تا شاعر تصير نعمه من الرحمان عا سنان الفقير تبحبح بهالنعمه ولا تتكبر كتير ***** بحبل الغرور ما زالك مكتف أسير لا قصر رح تملك ولا بتصبح أمير علّي بوهمك أشمخ وبالجو طير بالمستوى بتضل أزغر من زغير ***** وفوق السما لو قشعت حالك يا مدير ومن حولك نجوم وكواكب عم تسير هيدي نجوم الظهر عم بتشوفها من بعد قتله وضربة معلم خبير *****
29-10-05, 06:02 AM
محمد حسن شريم
********************* شويعر أنـا وعقلي صفي أكتر سميك ____ حيث قبلـت مثلك بهـالعركــه شريك ولك وحيـاة خالقنا بفلس مــا بشتريك ____ ولا حاسبـك خلقان يـا عـزم الركيك وكلمة فقيـر انقلتها وحكيــــك رضيك ____ لا تخاف مهمـا فقرت صعبي التقيك نحنا غنانا بنفـس عمرو مـــــا هويك ____ هيدي عطية رب منهـا مــــا عطيك عندي ثقه بالنفـس صعبـــي تصطفيك ____ فيها غرور انشفت حكيك عود حيك ومش بس نجم الظهر شفتو بعين ديك ____ شفت بعلوم الغيب والسـر ال خفيك وما زال رب العقل تايعطـــــي نسيك ____ هيك متلو شريم مــن عقلــــو محيك واليـــــوم فــي أخر حــــوار وملتقى ____ جايي يعزّي العقل يـــا بو زنود فيك ************* |
|
« الأقدم التالي | الأحدث التالي »
|
المستخدمون الذين يتصفحون الموضوع: 1 زائر