المباراة الزجلية

[حسن بنوت]

جوق الوطن|حسن بنوت
*****
زند المراجل دشرو منو اٍلك
هيدا لشاعر شيّب ليالي الحلك

يا شريم اًعتب عا رفيقك ضللك
وما خبّرك عا دروبنا الفيها الهلك
*****
سبحان من كوّن ذكاك وكملك
وعالمصطبي نقاك أجمل من ملك

وصرنا عبيد وما بقا نستاهلك
عين الحسوده تطرقك ما أتقلك
*****
من بو علي لو فزعت عا مستقبلك
بيع الكمبيوتر واٍلغي اٍيميلك
*****
وآخر حوار لو طلبت نحنا منقبلك
ويا شفيق شايف رفيقك بهدلك

مات وبرده ونص شاف الآخره
صار لازم على خصم تاني اٍساًلك
*****

[محمد حسن شريم]

محمد حسن شريم

*******************

خلّي شفيق وجــــوقتي جـــوقة زوات ____ ومثل مــــا بعطيك لــــو قدران هات
ولا تضل مثــــل الراقصه بين الرعاة ____ حد الرجــــوله أرتجل يــــا أمــا ثبات
وعالمصطبي ال كفّيت فوقها الواجبات ____ ما بستحي هيـــدي ألأصالــهِ بالصفات
وعين الحسيدي الفيك يــا رفيق الجناة ____ محروس منهـا شـــريم حــاجـي سيئات
والكومبيوتر مــــــــع إميلي مُعجزات ____ أطرش عليهن ما سمعت كتــر الصلاة
وبتقول إبن شريـــــم بالأشعــــار مات ____ رح جاوبك تاتّشوف وين فضل الممات
أفضل إلي أخلـــــــــد بدنيــــا ألآخره ____ ولا كون ميـــت مثــــل فضلك بالحياة


***********

[حسن بنوت]

جوق الوطن|حسن بنوت
*****
لمن كنت أهجم على سباع العرين
وأبطش وأرضي معجبات ومعجبين

كنت بعدك طفل راكض بيحومين
تلقّط زراقط عالشمال وعاليمين

واليوم جايي لبو علي شيخ السنين
تتمرجل ونحنا خلقنا ممرجلين
*****
أعضاء جوقك هو شباب مهذبين
منك ارتاحو والعوض بالحاضرين
*****
ومن قبل ما تبلف عقول السامعين
رح قلهن يا شريم عنك اٍنت مين

اٍنت جبلة شرّ ما فيها حنين
منك بريئه الشام والشعر الرزين

خالد بموتك مع جماعه كافرين
عا روسكن لعنات الله نازلين

تلاته وبحرف الشين لاحقكن شارون
الشمر والشيطان وشريم اللعين
*****

[محمد حسن شريم]

محمد حسن شريم


*********************

الشمر والشيطان شــــــــــــارونك مُحال ____ يتّشبّهــــــو فيـــــي بضعـــف الرأسمال
ولك جاوب عاردي صح حتى نقول عال ____ ولا تضـل في عمرك على الأشعار عال
شبّهتنــــــــــي بالكفر مــــــــا بقلك عقال ____ مثـــــــلـــــي مُحمد شبّهـــــوه بهالمجال
بالشين شامي خلقــــــــت في عندي كمال ____ شاعــــــر محنك وجهه يوسف بالجمال
والراء رب الشعــــــــــــر رب الأرتجال ____ رامي رئيس بجوق فــــــي هيبهِ ودلال
والياء يعني في يميني سيــــــــــــف جال ____ عارووس جهّـــــــــال المعنّى والخيال
والميم مارق عــــــــــــادني خلقت زوال ____ فيها تمسّك يــــــا كفر تــــــارك حلال
وإنت يــــــــــا بنوت اسمـــــــك بوعلي ____ حافظ عاهيبة بوعلـــــــي يوجه الرجال

***********

[شفيق]

ههههههههههه...

حلو حلو

شو هاد؟؟؟


والله قوية كتير هي يا أبو علي ...

[حسن بنوت]

جوق الوطن|حسن بنوت
*****
الهيئه خلص كازك معانا يا حميد
تا صرت تحكي حكي عا شكلك زهيد

يعني شو منتظرين يطلع عالاًكيد
من تم شرشوح المعنى والقصيد
*****
تركت الخلود وصار موضوعك بعيد
بحيثك ببنك الفهم ما عندك رصيد

تحكّمت فيك وكيف رح تقدر تحيد
من سيف جزّك للوريد من الوريد
*****
نحنا بني بنوت من جوهر فريد
صنّا الشرف والعرض من ماضي مجيد

اٍياك تبقى عا شرفنا تمد اٍيد
من هيك حجه ما بترجع مستفيد
*****
رح طنّش وغض النظر والبحث عيد
كرمال آل شريم والقرم العنيد

وفرجي اٍذا قدران يا خلد الزجل
من تحت سابع أرض تطلع من جديد
*****

[محمد حسن شريم]

محمد حسن شريم

********************

شرشوح ؟ يا بو لسان من شرّو انخجل ____ مين عاب فينا العيّل غيرك في عجل
جبت سيــــــــــرة عيلتـــي الّلي بتنبجل ____ بالزور أعور صُرت من كتـر الدجل
ورجعت يــــــا محتـــال للحيلي بوجل ____ بدك تكارم بعــــــد مـــــا طل الأجل
شريم خلقو فــــــــــي كرامي في وجل ____ مش ناطرين البــــــوم يمدح بالحجل
إسمي خلـــــد بالأرض والدنيـــــا أجل ____ حتّى بسما الإلهام أشعـــــــار أرتجل
وحيثك معصّـــــــب يا مكاري وأرتجل ____ عالأرض نحنا طيـــــرنا ناح وزجل
وحتى الزجــل يبقى بطهــــــارة خالقو ____ إلكن بعتني نبي تـــــــــــاني للزجل

*********

[malek7]

بحبك يا مشتى الحلو ....................و بس

[حسن بنوت]

ل من وحي

جوق الوطن|حسن بنوت
*****
صبيت من خمر الضياع وشربت كاس
وصارت الحجه لا أصول ولا أساس

عيف البطش والمرجلي وشعر الحماس
لنك عا قدي ولا قياسك هالقياس
*****
طيلقت صاروخي وخد البدر باس
راجع محمّل من وحي ألله كياس

وميلت صوبك يا وجه محل ويباس
لقيتك نبي لابس من الاّعور لباس

فيك النبوه اٍختلاس واٍقتباس
بتقدر تمرقها على ناس وعا ناس

لاكن مع للي بكل جوله طلع راس
ما بتقدر تمرق تطنطن هالجراس
*****
وحتى انكمل هالحوار باحتراس
رح رخّص الجوهر وغلّي بالنحاس

وبين البنت والشب بدي خيرك
نقّي واعزم هالشبيبه عالعراس
*****

[شفيق]

حلو ابو علي

[محمد حسن شريم]

قبل كتابة جوابي أتمنى على كل مرأه أن لا تفهمني خطأ , أنا فقط أدافع عن موضوع معين .

محمد حسن شريم


*****************

من بعـد قيل وقال بعــــد المشوره ____ حكّيت معدن حسن بيّـن جـوهره
نحنـا بحرب الشعر زيـر وعنتره ____ نحنا الزجل نحنا نجــــوم منوره
واليــوم في موضوع بـدّو مقدره ____ خيرتني بختــــار حصه مسوكره
كــون المرا وأمشي قبالي غندره ____ كون المرا يلّي لإجلـــي مبودره
طلـّع بتاريخ وسطـــــور بتنقرى ____ بتشوفني رجّال للحــــــق إنبرى
شـوف برسالات الآلــــه مسخره ____ إلنا بكتب في أنبيائـــــو مسطره
بكل الرسالات ال بعت عاهالدني ____ ما بيعت رسالي وحيدي مع مرا

***********

[زين]

من زين الى زين الرجال نمر الزجل الشريم

بدي هنييك نمري على حوارك الزجلي الممتع
اللي بخلينا نشوف انو موهبتك الزجلية عم تعطيك نجاح متل ماأنت عم تعطيها ثقافة
والمام بكل شيئ متميّز وطبعا استمتعنا بالبقية
بس بضل في نكهة زجل خاصة بتميّز النمر وبتخلي عشاق الزجل
يتابعو بشغف كل الحوارات الزجلية بكل مواضيعها
واسلوب النمر الزجلي بعلمنا ازا بدنا نخوض معارك زجلية كيف نبلش فيها وبأي اسلوب نعمل حبكة للحوار بحيث يكون فعلا متكامل ومفيد مو بس صف كلام عالقافية
انا بتمنالك النجاح والتقدم على كافة الاصعدة وشكرا الك على ابداعك الحلو وماتحرمنا ابدا من حوارتك الزجلية النمرية الممتعة

[ثناء حيدر]

الذوّاقة الجميلة زين
تسعدني مشاركة صبية جميلة مثلك
وحبذا لو كان زجلاً ما كتبتِ
لأنني لمست فيك شاعرة كبيرة .
فمن تملك هذا الأسلوب الجميل في النقد والتقييم
لا بدّ أنها تملك شاعرية عالية.
إنّك امرأة تحسن فن الزجل إذا شاءتْ !!

وأدعوك إلى زيارة منتديات مرمريتا أيضاً
ونقل هذه الرسالة الجميلة إلى هناك
لأن الأستاذ محمد حسن شريم هو مشرف قسم الزجل في مرمريتا.

واسمحي لي أن أسجل إعجابي بفتاة مثلك.

بكلّ الحبّ
ثناء حيدر

[حسن بنوت]

جوق الوطن|حسن بنوت
*****
وحياة هالشب الحلف بحياتنا
رح روّق وصفّي اللبن بيناتنا

وخللي كلام الفلسفي برداتنا
يرفرف على اعلى سما راياتنا

حتى بعد مية سنه شبيباتنا
بمشتى الحلو يتذكرو عركاتنا
*****
هالاًنبيا الكانو من رجالاتنا
والله معاهن بيعت رسالاتنا

هودي رجال مسخّرين لذاتنا
والفضل كلو لمحتوى آياتنا
*****
والدين اٍلنا والشرف غاياتنا
وتا تشوف كيف مركّبي عقلاتنا

كتب السما الوصلو على دياتنا
انجيلنا وقرآننا وتوراتنا

وأبناءنا وأجدادنا وبياتنا
واًرواحنا وأجسادنا ودماتنا

هو كلهن يا شريم ما بيعادلو
ذرّة شرف أماتنا وخياتنا
*****

[محمد حسن شريم]

محمد حسن شريم

******************

ذرة شــــــــرف إماتنـا فيه أعترف ____ إبن الشريم ال بالشهامـــــهِ بينعرف
وخياتنـا لليـوم مـــــــا كانو طرف ____ في مسألة رد الشرف غض الطرف
وعـن محتوى آياتنا ال منها غرف ____ بنّوت عــــن جوهر معانيها انحرف
فيهــا الكمال بسوقنا عـــم ينصرف ____ فيها صلابي مش دمــــــوع بتنذرف
نحنــا رجال بعقلنا حاجــــي خرف ____ يلّي بحـــــوا كُبـــــر عاطفتا جرف
وهالأرض أم وفوقها شريم احترف ____ فن المقاوم ذنب واحد مــــــا اقترف
ومن بعد ما دنس شرفهـــا المعتدي ____ للأرض غيـري ميــن ردلها الشرف


**********

[شفيق]

طيّّّب يا محمد....

شو وينو حبيب القلب أبو علي؟؟

[حسن بنوت]

جوق الوطن|حسن بنوت
*****
خليك عالموضوع عنو لا تغيب
وجاوب بحجه تقنع العقل اللبيب
*****
عملتني أم وقبلت بهالنصيب
واٍنت اٍبني صرت يا شاعر أديب

وبترجع وبتلوم حوا عالنحيب
وشو منتظر من أم متلك عم تجيب
*****
وبمقاومتنا الرجعت حق السليب
عنّا بنات مجندي وعزمن صليب

حفظنا الاًرض والعرض وطردنا الغريب
حتى من رجال اليهود ما ضل ديب
*****
واٍنت الرجوله الفيك فيك تقيسها
عا قد ما رضعان من أمك حليب
*****

[بشار]

الله معك

يا سلام يا ابو علي يا سلام

[محمد حسن شريم]

محمد حسن شريم


***********************

أنــا شـاعــــر لحق الشعر داعى ____ إلي موقف صلــــب كلو شجاعه
أنــــا باليــــوم حتى الزجـل يكبر ____ وهبتو اربعــــه وعشريـن سـاعه
وعــــاحفلات التحدي جيت مجبر ____ تحدي حســــن بعتبـــــرو إشاعه
لإنــــو ال سل بالساحــــات أبتر ____ غير ال سل في مــــوس الدلاعه
وأنــا الفيي تبــاهــــــى كل منبر ____ في إخلاص عـــــــن فهم وقناعه
همــي كان بــس بهيـــك محضر ____ بسوق الزجــــل ما تتلف بضاعه
وعن موضوع فيــه الكنت أغزر ____ شبعتو وأنــــت شبّعتــــو مجاعه
صحرا كنت فيــه ورمـــل أصفر ____ وأنا ميه وعُطر خضره وزراعه
أنت جايـــي تغيّــر مــــــــا تغيّر ____ بكون ... عقولنا لحكمـو مُطاعه
أنا أكبـــر وحــوا مــــــا بتصغر ____ كُبري حقهــــــا بالعمــــر راعى
ونقصا ال فــي خلـق ألله مصور ____ إلو من حبها بصــــــدري مناعه
نقص صوما وصلاتا ضل أشهر ____ من أعـــــــلام وبــــواق الإذاعه
ولإجل العـــــــم يتابعنا ويحضر ____ أسامي مــــــا بكرر يــــا جماعه
الأرض رجّالها هالكــــون عمّر ____ مش ستات صالـــــــون الخلاعه
وزجلنا هيك أســأل كل مصدر ____ مين ال تاركـــــو فينــــــا وداعه
كانو رجال مثلــي يـــــــا معتر ____ حدن أركــــع وأطلــــــب شفاعه
وعاسيـــرة إمنـــا حدودك تذكر ____ البشاعه حلفت ما ردهــــا ببشاعه
لكن لو عدت يـــــــا عقل حجّر ____ لا تصرخ هالنمر حقي مــا راعى
وإذا من عين إمي الدمـــع قطّر ____ عليي دموع فرحه مــــن البراعه
ويا مرجّع أراضي عــالمسوكر ____ بقوافي فكرتــــــك ليهــــا مُطاعه
سوق الزجل في وجهـك مسكر ____ لا حنكه لا تجــــــــاره لا صناعه
وأنا الضليت محور كل محور ____ وعليك فرضت هيبه بكــــــل قاعه
وهيك اليوم فكري مـــــا تحيّر ____ كلمه بقولها بقســـــــــــوه ووداعه
معك بنّوت ياما كنـــــت أسهر ____ ويامــــــــا حلمك بربحـــي تداعى
وهلق بالحليب رجعـــت تسكر ____ يــــا طفــــل الزجل بيكفّي شناعه
بمشتاوي الفرق بيّنــــــت أكتر ____ أنا ملهــــــي بفلسفتـــي ووجودي

_________ وأنت يا طفل ملهي بالرضاعه _____________

[شفيق]

حلو ..محمد